Dr Grundstei für euse Fasnachtsverein hei im Johr 1982 fünf unabhängigi Pionier gleit, wo umsverrecke eimol am Sissacherumzug hei wele mitlaufe. Dene fünf het das Ganze denn so viel Spass gmacht, dass sich d'Frog nachere Fasnachtsgsellschaft für Wintersinge nid lang gstellt het.
Gesagt, getan!
Durch die schnälli Statuteerarbeitig het mä scho am 12. Juni 1982 zur Generalversammlig für d'Fasnachtsgruppe Räblüs chöne iilade. 18 Fasnächtler und Fasnächtlerinne si derä Iiladig gfolgt, und vo Johr zu Johr het d'Mitgliederazahl zugnoh. Im Johr 1987 isch denn au d'Guggemusik derzuegründet wordä. D'Räbäschränzer si geborä.
D'Wagäclique bestoht zur Ziit us 7 Mitgliedär. Di Mitwirkendä mache sich diräkt nach dr Sujetsitzig im Septämber an d'Arbet und gstaltä jedes Johr e neue Wagä. Usserdem begleite mir Räblüs d'Räbäschränzer treu an jede Uftritt und stärke ihnä so jederziit dr Ruggä.
Zu de Räblüs →
Mir Räbäschränzer si mit Liib und Seel Fasnächtler und Hobbymusiker. Wo au immer es Fescht aagseit und eusi musikalischi Unterstützig gwünscht isch, si mr gärn drbii. Überwiegend si mr ehner di rockig, lustigi Truppe.
Zu de Räbäschränzer →
